Diolch i bawb a ymunodd â ni ar gyfer lansiad Her Ddarllen yr Haf 2026 ddydd Sadwrn. Mae cannoedd o blant a phobl ifanc eisoes wedi cofrestru i ddarllen chwech neu fwy o lyfrau llyfrgell dros wyliau haf yr ysgol.
Mae thema eleni, Darllen i’r Curiad, yn dod â thro cerddorol hwyliog i ddarllen, gan annog plant i ddarganfod sut y gall straeon a chaneuon danio dychymyg, creadigrwydd a hunanfynegiant.
Mae digon o amser o hyd i deuluoedd gymryd rhan. Ewch i'ch llyfrgell Awen leol cyn dechrau'r tymor ysgol newydd i gasglu llyfryn sticeri am ddim a dechrau eich taith Her Ddarllen yr Haf.
Mae gan ein llyfrgelloedd raglen gyffrous o weithgareddau am ddim sy'n digwydd drwy gydol y gwyliau chwe wythnos, gan gynnwys drymio Affricanaidd, sesiynau codio, profiadau dawns Bollywood, disgos tawel, gweithdai lluniadu, a gweithgareddau symud a dawns.
Bydd sesiynau Stori a Chrefft wythnosol hefyd yn Y Nyth ym Mharc Gwledig Bryngarw bob dydd Mawrth a dydd Iau.
Mae lleoedd am ddim ond yn gyfyngedig, felly mae archebu ymlaen llaw yn hanfodol trwy ein llyfrgelloedd neu ar-lein yn Swyddfa Docynnau Awen.
