Ailddatblygu

Mae'r Pafiliwn Mawr ar gau ar hyn o bryd ar gyfer gwaith ailddatblygu mawr , yn dilyn cais llwyddiannus a gyflwynwyd gan Gyngor Bwrdeistref Sirol Pen-y-bont ar Ogwr mewn partneriaeth ag Ymddiriedolaeth Ddiwylliannol Awen, i raglen Levelling Up Llywodraeth y DU.

Bydd yr ailddatblygiad gwerth £20m yn diogelu theatr boblogaidd Porthcawl am genedlaethau i ddod ac yn helpu i gynnig profiad llawer mwy cynhwysol a phleserus i gynulleidfaoedd ac artistiaid fel ei gilydd.

Mae’r adeilad rhestredig gradd II wedi bod yn galon ddiwylliannol i’r gymuned ers tro, a bydd y prosiect uchelgeisiol hwn yn sicrhau ei safle fel man lle gall pobl o bob oed gysylltu ac ymgysylltu â’r celfyddydau, diwylliant a threftadaeth.

Tra bod yr adeilad ar gau, bydd rhaglen o ddigwyddiadau Pafiliwn Dros Dro yn parhau yn y gymuned a Chanolfan Gymunedol Awel y Môr, gan gynnwys theatr deuluol, cerddoriaeth fyw, sinema a mwy.